193@ERROR為新歌平反：接受唔到新嘢返去聽流行經典

組合ERROR成員193（郭嘉駿）人氣強勁，佢最近推出的新歌《睡到三點》獲粉絲力撐落重本宣傳，不但落燈箱廣告，更出動雪糕車造勢，排場絕對不輸MIRROR人氣王姜濤，而《睡》亦有理想成績，MV觀看次數已突破120萬，其貼地嘅口語歌詞，亦被資深填詞人大讚打破傳統、百花齊放。不過亦有唔少人批評歌曲太重Auto-Tune，近日193回應負評，指明白有「守舊派」不接受新事物，更再爆出金句，佢表示：「接受唔到新事物，接受唔到新派歌詞，接受唔到新曲風，接受唔到Autotune嘅質感，其實大可以返去睇流行經典幾十年，橫掂我嘅Target Audience（目標觀眾）都唔係老土保守怪。」

事後疑有人不滿佢率直嘅態度出言「教授做人道理」，對此193表示只係貫徹做自己：「其實我由未出道已經係咁講嘢，一直有Follow開我嘅人都應該知道，我冇諗過要因為呢啲『人生導師』而改變我嘅性格、言行舉止，唔鍾意我嘅其實可以唔使留意我。」