豬籠入水!蔡嘉欣公開閨房 晒名牌靚畫勁擺風水陣

2021年06月08日 13:02
東網電視
更多新聞短片
落選港姐蔡嘉欣加入無綫後工作接踵而來,比起同屆冠軍黃嘉雯更多嘢做,豬籠入水,周身名牌,又有ibanker男友「奉獻」,非常富貴!早前佢仲公開自己嘅安樂窩,介紹客廳、廁所、廚房,被問到係咪買樓上車時,佢就避談,只係自爆使咗10幾萬去裝修,而今次佢更公開閨房!
佢透露間房係自己設計,牆身油上粉紅色充滿少女感,不過佢話重中之重係幅畫,而呢幅畫其實係條名牌絲巾,佢將條絲巾燙平再放入畫框,咁就變成一幅「名畫」喇!佢仲自爆迷信,特登搵風水師喺全屋擺陣,有玉兔、白玉、文昌塔等等!佢又直言同家姐花咗唔少錢睇風水,家姐一換咗個桃花陣就即刻識到男朋友,兩姊妹都覺得好有效!原來擺滿風水陣,難怪愈來愈有米啦!