Bingo被公司要求賺7位數　Carman：想自己做老闆

組合Bingo到場支持好友方紹聰的赤腳行香港籌款活動，問她們可會有興趣參與？Odilia笑言：「我有問佢使唔使支持，我都想試吓行。（赤腳都得？）OK呀，唔怕受傷，小心啲，腳板底都夠厚。」Carman亦表示：「我哋跳得舞多好多腳繭，不過佢真係好勇敢，都幾佩服佢。」而講到Carman被指《全民造星III》後賺到6位數收入，但被影到慳家搭巴士，Odilia即笑她是「慳嘉敏」，Carman就謂：「我不嬲都慳。（賺咗6位數？）未必有，嗰段時間比較努力，希望遲啲會有。」

Odilia又笑言老闆叫她們跑7位數回來，Carman笑言：「如果有7位數嘅話我希望可以做老闆，因為我依家有品牌賣T恤同埋帽，但係網店，如果有7位數就可以搞大佢，開間舖頭仔。」問到Odilia都可羨慕Carman收入多？她即笑言：「其實我密密喺另一方面都賺咗6位數，因為我有教小朋友跳舞，為自己將來努力。」另外，身穿吊帶背心的Carman因昨日拍攝戶外節目，搞到成個膊頭曬傷。