演唱會音樂劇同步綵排 楊立門分開腦行動

20210608
東網電視
更多新聞短片
「AO歌王」楊立門為下周演唱會綵排,邀得何婉盈及「小龍女」龍婷擔任嘉賓。今次是其公司在疫情放緩下的首個演唱會,楊立門表示已等了年半開騷,笑言飛債纏身:「拒絕咗好多親戚朋友嘅要求。(快啲開part 2還飛債?)希望啦,睇公司安排。」何婉盈亦謂:「有前輩問我有冇2張飛,但都冇辦法。」而講到排練進度,楊立門表示今日是首次與樂隊及2位嘉賓綵排,到時都會首次唱2首自己親自創作的作品給大家聽。
他又開心邀得2位嘉賓合唱,其中現場演唱經驗豐富的龍婷就謂首次與對方在演唱會上合作,大表興奮。何婉盈就謂已跟對方合作過多次,但就是首次在演唱會上合作兼唱英文歌。而楊立門又大爆其實今次演唱會撞正自己另一個演出:「我有個音樂劇係今個星期六,所以要一齊排練。(會唔會精神分裂?)嗰個係歌劇,所以2邊唱嘅方法、發音部位都唔同,要分開個腦嚟做。」問到可要特別養聲?他笑言自己不會特別戒口,會照食辣嘢。