Ian＠MIRROR同花姐有距離　成日嘈交！

ViuTV全新節目《調教你MIRROR》昨晚（8日）開始播出，MIRROR 12位成員執包袱出發到離島「閉關12日」。團隊於節目內接受梁祖堯「調教」，期間斷絕經理人保護及杜絕偶像包袱，各人激罕深情剖白，兄弟間互相借鏡學習，務求演變成「Better MIRROR」！

明晚（9日）播出的一集主人翁陳卓賢（Ian），直言覺得MIRROR並不如初成軍時般齊心：「力量比起我哋成軍第一個演唱會薄弱咗，因為大家都需要兼顧各自嘅工作，所以步伐不一致。」而經理人花姐希望今趟旅程，阿祖可以幫Ian「Open Up」自己，她直言對方有幾個地方令她擔心：「佢令人覺得同佢有好大距離，呢個距離連我同佢都有，遇到問題或者唔開心都唔會講，咁樣容易令人有誤會。」她又自爆經常跟Ian嘈交。

結果梁祖堯安排Ian和另一成員Jer到麵包店跟老闆阿Kit學整麵包，原來老闆是Ian的忠實粉絲，過程中，老闆一句Hit中Ian，令他心情有點複雜。