《造美人》芷橋晒170磅肥樣　地盤工OK係潛力股！

ViuTV另類選美節目《造美人》昨晚（7日）首播，不少佳麗已率先「跑出」惹熱議，其中最具話題性的芷橋自爆曾花40萬整容大改造，今日（8日）她在社交網甫出早年體重高達170磅的舊照，自嘲是「0分重作樣」，她表示：「貼啦貼啦，反正啲相喺節目都出唔到，畀晒節目組，我好想出㗎！睇吓我170磅個樣都好呀，0分重作樣。」相中見她正在運動，並驚現大肚腩及粗手臂，與現時瘦足幾圈的她判若兩人。至於首位出場便入圍、被讚本身已是美女的Kathy，則晒出單眼泳裝照，大派福利。

另外，曾任地盤工人的OK雖然被指不修邊幅，但其實翻查其社交網，原來她私底下化上淡妝後，相當清純，絕對有潛質。而在節目上被指外表兇惡的人母Miko，私下則不時甫出溫馨家庭照晒幸福，冧爆甜樣完全無煞氣！