MIRROR成員「人氣王」姜濤早前喺麥花臣場館舉行演唱會，當晚見佢成個人瘦晒，又冇乜笑容，令到大家好擔心！但姜濤表演時，繼續出百二分力，唱到興起仲將頭上嘅帽掟落台，台下粉絲即時陷入瘋狂！佢將當晚片段上載到社交網，留言：「唱一半有感覺～$3000多的帽子給它丟下去，老師瘋了...公司傻眼了...心想怎麼撿回來...我爽了～」片段中見經理人花姐表現愕然！

自己爽到爆嘅姜濤，回覆好友時自爆：「公司買的我才敢丟。」好大膽呀！最後，佢都揭曉話頂帽，最後由佢嘅髮型師幫手執番！姜濤出動「帽子戲法」，網友就Like爆，讚佢型到震兼狂畀心心呀！