傳有新歡仲同竇驍晒恩愛　何超蓮豪氣兩個字回應

賭王三房千金何超蓮與男友竇驍亮相內地真人騷《追星星的人》奉旨放閃，兩個除咗成日都做糖黐豆外，平時對答更加係睇到網友有「糖尿病」，不過近日就有人爆料：「豪門千金已經有了新人，卻還在跟舊人秀恩愛。」字裏行間令網友聯想到二人，即有傳兩人有暗湧。

唔少粉絲就直接去到超蓮社交網度留言，質問佢新仔係邊個，又話好擔心佢同竇驍分手，一向親民嘅超蓮就決定公開戀愛狀態，先後回覆指傳聞係流料：「假的。不用理他們，乖。」佢仲表示目前正在隔離中，一語打破分手傳言。