人氣偶像姜濤和蔡卓妍（阿Sa）首次合體成為HPV代言人，由於都是大忙人，故拍攝廣告當日只可分開拍攝，但日前兩人終於在網上節目齊玩遊戲，互相測試跟對方有幾深認識。兩個人雖然第一次正式見面合作，但仍然默契十足。主持人叫兩位擺出對方招牌Pose，姜濤就趁機賣口乖，大讚阿Sa點擺都靚！阿Sa就留意到他常對鏡頭向Fans派心心，姜濤解釋只是隨意做：「冇諗過大家咁留意，件事搞到咁大！」

最令人意想不到是，原來兩人一直互相留意，自認認識對方的歌，就算連倒帶播歌也考不到他們，姜濤秒速估中阿Sa的《小酒窩》，而阿Sa亦自爆經常在電話中聽姜濤新歌，令到姜濤即時面紅，兩人還大展展歌喉，互唱對方名曲幾句！