港姐面試：騎呢佳麗現身　狂擺港女十式

年度盛事《2021香港小姐競選》於今日（10日）在TVB將軍澳電視城進行首輪面試。不少參加者在康城港鐵站轉乘專車往電視城。其中一位學生張嘉慧（Amy），今年22歲，樣子普通，一到埗即刻擺pose，仲嚟個港女十式，即係晒V、比心等，唔知點解，感覺有少少騎呢！佢報稱在天水圍居住，但返學於柴灣，每日要用2個鐘坐車，臨截止10分鐘前由阿媽幫手報名參選。翻查佢社交網，確實好多唔同嘅港女pose，不過身材平平，最多只係露下腰。

另外，身穿紅色連身裙的Michelle Cheung今年21歲，加拿大讀完大學返港，佢見到記者時，影相扭晒腰，但失手露出缽仔糕。

而港姐面試者當中都不乏高學歷之人，有牛津大學畢業的Christina，今年25歲，任職見習律師，參賽想嚟挑戰吓自己，佢以花花連身裙現身，非常成熟，仲見到有少許凸腩。