【並唔係三腳貓功夫】何超蓮邊滑水邊歎啤酒好身手

賭王三房千金何超蓮之前喺社交網晒過去完滑水嘅相，不過齋睇相，就見唔到佢水上英姿。千乎萬喚，佢尋晚（9日）喺社交平台晒出滑水Vlog，並表示自己就快離港，因此把握時間出海玩。

片中見超蓮以素顏現身，皮膚白滑，佢先穿上潛水服玩咗一陣攞感覺，然後換上一件頭泳衣，展現弗爆身材之餘，佢更嘗試360度轉身，仲一邊滑水一邊歎啤酒，足證佢滑水唔係三腳貓功夫。