吳業坤戲如人生　吊兒郎當變有擔帶

藝人吳業坤出席新劇《寶寶大過天》宣傳，表示繼《殺手》後再有劇出，坦言今次角色突破：「唔再係斯文傻更更，而係一個麻煩、MK嘅馬國明細佬，成日同佢頂嘴。又唔小心搞到人哋有BB，係個唔稱職嘅爸爸，吊兒郎當，都幾適合我，係自己嘅另一面，但之後由唔識照顧小朋友變得愛小朋友，成為有擔帶，同我人生一樣。」講到與黃文意演夫婦，問到可有親熱戲？他笑言：「冇，佢好可惜，我操得咁辛苦，盡量都着緊身T恤。」

他又謂今次與1歲多的BB拍攝幾好玩，又笑言：「可能佢拍拍吓生咗腦囟，開始識思考，

由最乖變做最難搞，但都係個經驗畀我學識湊小朋友。」另外，講到洪永城結婚，他表示：「其實都係今朝先知，雖然我哋一齊打波，但就冇聽佢講過，但都知佢哋好穩定嘅戀愛，好欣賞佢哋嘅婚紗相，係自己最舒服嘅style，祝福佢哋。」