馮盈盈27歲生日嗌大個女　緋聞男友鄭衍峰冇表示

前港姐冠軍馮盈盈一向係話題女王，日前先因打包鮑魚被指貪小便宜，不過佢未有受負面新聞影響，今日（10號）係佢27歲生日，於社交網上載吹蠟燭許願嘅相，感慨留言話自己大個女啦！見到後面布置多個派對氣球，「2」同「7」字代表住壽星女年齡數字，相當有儀式感，隱約仲見到收一大束新鮮花做禮物，唔知邊個送呢？圈中藝人湯怡、李佳芯、陳煒、鄧佩儀等留言送上祝福，「後生仔」拍檔陸浩明祝佢「日日靚靚」，不過緋聞男友鄭衍峰則冇點讚或留言，完全冇表示，同之前馮盈盈以「愛的密碼」出Post為男方慶生大有分別。