陳自瑤自爆7月拍新劇 感激汪明荃加持

2021年06月10日 18:03
東網電視
更多新聞短片
藝人陳自瑤(YoYo)出席無綫新劇《寶寶大過天》宣傳,她說飾演有2個仔的全職媽媽,與張頴康是年青夫婦,更坦言是次挑戰大,有很多情緒崩潰的內心戲,因角色是自小受到心靈創傷,導致長大後不懂教小朋友,出現很多問題。
YoYo說與拍檔張頴康合作很開心:「佢成日輔助我,仲記得佢同我講過一句話,當時我要演好多內心戲,佢話我今次角色好有發揮,叫我加油,仲話會喺側邊back up我。」她又坦言為飾演貼地年輕師奶的角色,刻意沒有打扮,只是求其紮辮,又近乎素顏上陣,連睫毛液及唇膏都沒有塗。
講到《好聲好戲》令她再彈起,再加上這個有挑戰性的角色,問到可覺佔盡天時地利人和?她笑言:「冇諗,都係公司排好晒。」但她透露7月將拍時裝劇,可以好好發揮,但未有透露是否做女一。問到是否因為得到汪明荃加持而多了很多演出機會? 她笑言:「無論如何都會多謝佢。」另外,講到她近日在社交平台大晒性感照,令人誤以為「全裸」,她笑言:「我睇到標題都嚇一嚇,其實啲相只係歐美風格,一啲都唔性感,有晒打底。」