熱依扎解放34D爭視后 網民讚Fit過未生之前

2021年06月10日 19:50
東網電視
更多新聞短片
熱依扎產後收身成功。
「新疆四美」之一嘅內地女星熱依扎,早年演《後宮甄嬛傳》嘅「寧貴人」一角走紅,擁有34D火辣身材嘅佢,由於衣着大膽,不時成為網民熱話。最近佢憑內地劇《山海情》李水花一角,入圍角逐「白玉蘭獎」最佳女主角,佢日前出席提名酒會時,以紅色低胸裙亮相,解放Big爆身材,「峰」殺全場!
佢喺2020年底突然宣布升呢做媽媽,至今仍未透露BB爸爸嘅身份,產後身形脹咗成個碼嘅佢,一直落力照顧囡囡,不時喺社交網分享湊B情況,網友對於佢呢次性感現身,並且成功收身,都大為驚訝,仲讚佢完全唔似生完B,仲Fit過未生嗰陣添!
童瑤封視后
第27屆上海電視節白玉蘭獎今晚(10日)公布得獎名單,童瑤憑劇集《三十而已》獲得最佳女主角,佢曾於2019年憑《大江大河》獲得白玉蘭最佳女配角,如今可謂再上一層樓,佢嘅演出獲評審大讚「真摯的情感投射,打動人心」,至於最佳男主角獎則由于和偉憑《覺醒年代》奪得。