提名東涌佳麗選港姐 林作:成個楊貴妃咁!

20210610
東網電視
更多新聞短片
林作早前在社交網上載一封報名參加《2021年香港小姐》的電郵通知書,當時已有網友猜測他為女友裕美報名,不過當時他就賣關子,叫大家敬請期待!
而今日(10日)是港姐首輪面試的日子,當然無裕美踪影啦!不過,林作又在社交網搞搞震,他上載了「come from東涌」的「靚女」佳麗相,並留言:「我就係提名咗呢位參加今屆香港小姐。#信心之選#請大家多多支持」
問到是否真的提名了「come from東涌」時?他笑言:「我堅提名呢個呀!佢先應該選港姐,佢個樣成個楊貴妃咁,你諗吓佢拍古裝片,呢個人係完美,大氣到不得了,國寶Feel。」言談間明顯講笑,而在旁的女友裕美亦忍不住哈哈大笑。