家住1.5億豪宅！關之琳貼地吔燒味飯

現年58歲嘅大美人關之琳，靚樣同Fit爆身材依家仲keep到，果然係天生麗質！佢雖然住喺市值1.5億元嘅豪宅，生活相當富貴，但其實佢平時係相當貼地嘅。佢喺社交網貼新片，有人問佢點樣保持身材唔走樣，平時又會食啲乜呢？

佢就話：「我甚麼都吃呀！」之後見佢大大啖咁食燒味飯！喺過億嘅豪宅歎幾十蚊嘅叉燒飯，唔知係咩感覺呢？唔通大美人真係得天獨厚，食乜都唔肥？咁梗係唔係啦，佢轉個頭就去咗舉鐵消脂喇，要靚真係唔可以偷懶呀！