陳輝陽好帶挈　肥仔@Error畀女圍

音樂人陳輝陽最近忙於為6月底舉行的作品音樂會宣傳，日前他聯同參與作品展演出的一眾女聲，跟組合ERROR的隊長肥仔（梁業）合作，在音樂平台演出，一起合唱王菲的經典名作《暗湧》，肥仔坦言這首歌陪伴他渡過人生低潮，每次唱及聽仍相當感觸。

讚肥仔唱得好

陳輝陽大讚肥仔唱得好：「錄影時肥仔及女聲其實都好緊張，但意想不到肥仔竟然咁唱得，跟佢哋女聲嘅原Key唱！高音甜低音準，一班人由戰戰驚驚，變愈唱愈投入，試了兩Take之後，已經全部融入歌中。」他又說：「肥仔好忙呀，唱完佢要跑吓場，不過班女就冇放過佢，係咁捉住佢影相留念，結果成個化妝間變咗影相會，排晒長龍係咁影，大家不停做佢個個Lady Killer表情，成班女聲都非常興奮。」

陳輝陽指音樂作品展已3次延期，當初也驚疫情影響，即使許可75%入座率，但也不敢開到盡，公開發售後反應熱烈，如今決定加推門票出售。