三太10卡鑽戒沖落鹹水海　何超蓮代賭王補送！

賭王三房千金何超蓮近日喺澳門隔離，佢同粉絲玩問答遊戲消磨時間，有網友問：「買過最貴嘅係咩？」超蓮就爆為咗媽媽買咗隻十卡鑽戒，佢話：「我媽媽以前一直戴着一隻10克拉的心型鑽戒，是爸爸以前送她的，3年前她在醫院陪爸爸，在廁所洗手後脫下來給了傭人，然後傭人姊姊珍而重之用紙巾包着帶回家，然後回家了，上廁所就順便把它沖走了。因為爸爸再也送不了媽媽禮物了，媽媽很難過，於是我找了3年，終於找到了一樣的心型鑽戒，剛剛過去的母親節送給她了。」

據知，當年一嘢就咁沖落鹹水海嘅10卡心型鑽戒，大約值750萬港元，而家超蓮話補送，當然用呢個價已經買唔番，估計至少要800萬元以上，呢份價值接近千萬元嘅母親節禮物，真係好貴呀！