鄭希怡愛女梁浸浸玩「壁虎功」　仲有進階版！

藝人鄭希怡（Yumiko）嘅囡囡「梁浸浸」性格古靈精怪，深得網友歡心，而且遺傳咗媽媽嘅手長腳長，充滿運動細胞。呢日佢就喺屋企玩起「壁虎功」，見佢成個人凌空打橫咁喺廚房走廊，只憑雙手雙腳撐住，仲面露笑容，十分犀利！點知幾日後佢再加碼，今次係成個人垂直咁「大字形」，用雙手雙腳撐住兩幅牆咁hold住，Yumiko發文笑言：「練功中⋯⋯『壁虎功』進階版。」一眾圈中好友同網友睇到笑爆嘴，佘詩曼更自爆細個都成日練壁虎功，徐濠縈又大讚好武功！