白玉蘭獎引「胸戰」　白百何暗藏巨乳鬥倪妮

尋晚（10日）係第27屆上海電視節白玉蘭獎頒獎典禮，圈中女星傾巢而出，個個都想喺紅地氈上突圍，自然成為全晚焦點。當中紅地氈常客倪妮憑《流金歲月》角逐最佳女主角，雖然輸咗畀《三十而已》嘅童瑤，不過倪妮就以一襲青綠色低胸華麗晚裝現身，輕輕谷出3吋事業線，被網友評為當晚之最。

不過佢嘅「勁敵」白百何就大玩隱約美，其工作室上載嘅一輯晚裝靚相，就似乎刻意遮擋佢一套中門大開嘅粉色裙，不過白百何就多次夾胸、俯身等，又以雙手遮胸前，不過豐滿上圍依然凸出。

至於新一代小花關曉彤同樣低胸現身，不過就未見「胸」湧，但佢套火紅晚裝腰間中空，大晒腹肌：愛以玉女形象示人嘅鞠婧禕，亦罕見Deep V上陣，不過佢主打晒玉背，白晢肌膚吹彈可破。