【洪永城結婚】祝福文網民批太矯情 黃翠如咁回應

2021年06月11日 11:08
東網電視
更多新聞短片
藝人洪永城尋日(10日)宣布婚訊,即將迎娶拍拖多年的女友,而佢個紅顏知己黃翠如就第一時間打出一篇深情祝福文恭喜好友洪永城,文中翠如將洪永城缺點一一列出「又污糟又煩又大男人,脾氣又差,又冇交帶,好多諗法但好少實行」,仲多謝洪永城女友肯接收呢個「笨城」。
呢篇文章一出,喺網上引起網友極大回響,短短幾小時已經過千留言,好多人話睇完翠如嘅祝福文,覺得好似寫畀前度一樣,有網友留言話:「真係唔好咁,正印睇到你段矯情文真係情何以堪呀!」而翠如都有親自回覆網友,佢話:「在這個做甚麼也有人鬧的世代,冇咩所謂,我和Tony(洪永城)和Inez(梁諾妍)和Edwin(蕭正楠)的友誼,其實沒有你們想的juicy,祝大家簡單快樂吧。」事後,都有網友力撐翠如:「其實佢哋的友情有幾深,旁觀者會比當事人清楚??朋友之間嘅相處態度要畀非朋友嘅人去干涉嗎??」