Kim Kardashian祝福前夫Kanye與伊蓮娜新戀情 但質疑真假

2021年06月11日 11:38
東網電視
更多新聞短片
Kim祝福前夫Kanye與伊蓮娜的新戀情。
美國饒舌天王Kanye West今年2月被真人騷女星Kim Kardashian申請離婚後,早前被爆與俄羅斯女模伊蓮娜(Irina Shayk)蜜運中。伊蓮娜於2010年參演Kanye歌曲《Power》MV,據稱兩人其後曾短暫拍拖,Kanye當時還未與Kim一起。
行內不少人對Kanye與伊蓮娜拍拖感到意外,Kim一方的知情人士表示她為前夫新戀情感到高興:「成個Kardashian家族,包括Kim,都想Kanye開心,同祝福佢。佢哋好安慰Kanye同Kim之間冇為子女爭執,大家都和好相處。」不過Kim也質疑這段關係是否真實,知情人士表示:「佢哋兩個有正面新聞都係好事,但冇人知個戀情究竟係真定係假。」
伊蓮娜一方的知情人士則暗示她的新戀情,包含商業考慮:「佢係好低調嘅人,亦係對女兒好盡責嘅媽媽,但佢唔聲唔聲咁對事業好有野心,亦好聰明。同Kanye建立合作伙伴關係,對佢事業發展係好有意思。對Kanye嚟講,咁樣可以維繫佢形象……佢嚟緊有好多搞作。而且對伊蓮娜嚟講,對佢事業好大幫助。佢係靚女,但成為超模嘅路,有時就係靠同名人拍拖上位。當你登上八卦雜誌封面,個名響咗,你個價都會升。呢個係炒作人氣嘅最佳方法。」