連詩雅晒骨感泳照　泳褲瘦到打褶美臀現肌肉

藝人連詩雅（Shiga）同男友陳家樂愛得愈嚟愈高調，最近有傳港姐黃嘉雯介入二人感情，雖然連詩雅大方表示想同「情敵」合作，不過見佢社交網忽然晒出一輯粉紅色三點式新相，似係為自己搶番「峰」頭。

相中見佢大晒結實腹肌，早前佢就因為腰間贅肉「跑出」而喪操肌，依家大晒成果，不過唔知佢係咪操得太勁，唔止一排「朱古力」明顯，就連美臀都現肌肉，加上佢練到上圍疑似縮水，條泳褲更瘦到打晒褶，骨感盡現。