《聲夢》未成年之爭　姚焯菲追住炎明熹嚟打

無綫節目《聲夢傳奇》現正熱播，當中風頭最勁嘅係一班「未成年」小妹妹大混戰，當中16歲嘅炎明熹（Gigi）翻唱林憶蓮經典作《沒有你還是愛你》嘅片段，更在短短半個月觀看次數突破110萬，不過原來「百萬女歌手」都唔止佢，14歲巨肺姚焯菲（Chantel），佢翻唱陳百強歌曲《戀愛預告》嘅片段，原來喺4日內亦已突破100萬，到截至今日（11日）中午12點，更已追至同炎明熹平手，各擁逾120萬觀看次數，令二人爭冠軍嘅大戰漸趨白熱化！