結婚8周年!陳茵媺愛的宣言冧陳豪:攜手共度餘生

2021年06月11日 13:22
東網電視
更多新聞短片
圈中模範夫婦陳豪與陳茵媺(Aimee)出名恩愛,Aimee更為陳豪誕下2子1女,就算陳豪工作幾忙都好,都會記得陪老婆,兩夫妻經常喺社交網放閃,原來今日(11日)喺佢哋結婚8周年大日子,Aimee就晒出兩張當年喺巴黎影嘅婚照,用對話形式向老公講出愛的宣言:「我:已經結婚8年了嗎?他:是的,你能相信嗎?我們實際上已經在一起10年了。我:甚麼?不……怎麼感覺沒那麼久?他:因為我們快樂!他是對的。祝我最好的朋友、愛人和丈夫結婚8周年快樂。你讓我和我的生活變得完整。急不及待地想繼續與你攜手共度餘生。」網友睇到後都話Sweet爆,唔知今晚佢哋點樣慶祝呢?