婚後劇集唔掂 石原聰美有望與舊愛再合作

2021年06月11日 13:23
東網電視
更多新聞短片
石原聰美婚後劇集收視失利,傳有望與舊愛山下智久再合作。
34歲日本女星石原聰美,去年尾閃嫁金融才俊後十分運滯,年初被爆刻意隱瞞確診新冠肺炎,婚後夥拍男星綾野剛合演劇集《戀愛要夠Deep》亦收視麻麻。雖然石原唔錫身加入多場咀戲,但除首集錄得10.5%收視外,其餘一直徘徊在單位數字邊緣,前日(9日)播出的第9集大結局,收視亦只有8.1%,而下周將播出特別篇。
石原自2018年劇集《高嶺之花》後,連續主演多套劇集收視失利。有指她為洗甩「收視毒藥」之名,有望與舊愛山下智久再合作。2人於2015年合演富士電視台「月9」劇《朝5晚9》收視不俗,更戲假情真撻着。雖然其後因山下瞞住石原,與混血女模Niki秘遊夏威夷而分手收場。但事隔6年,石原已榮升人妻,山下亦脫離尊尼事務所獨立,令2人不排除再合作。