原來蔡卓妍係嬌媽?鍾欣潼自爆驚天大「秘密」

20210611
東網電視
更多新聞短片
組合Twins成員蔡卓妍(阿Sa)同鍾欣潼(阿嬌)近日為出道20周年,頻頻現身內地各大城市造勢,不過幾忙都要有自己時間,好似阿嬌咁,佢就鍾意上網睇新嘢同埋更新社交網咁,最近原來仲係阿嬌媽咪生日,一向孝順嘅佢就獻上生日祝賀:「祝嬌媽生日快樂、開開心心、身體健康!」
不過網友一睇篇博文,阿嬌竟然Upload佢同阿Sa嘅嘟嘴合照,相中二人同時合埋眼並畫上紅唇,齊齊向對方獻吻,未見有第三個人嘅蹤影,即時令一眾粉絲?晒頭,係咁話呢個Post嚴重圖文不符,更有網友大膽「推測」笑言阿Sa原來就係「嬌媽」,阿嬌竟自爆身世「秘密」,不過亦有網友指可能係阿嬌快手手上載咗張錯嘅合照啫。