影片危害國家安全或禁上映！田啟文望獲清晰指引

政府今日（11日）刊憲修訂《電影檢查條例》檢查員指引，指出若上映之影片可能構成危害國家安全之罪行，而整部影片及對觀眾的影響可能會危害國家安全或危害維護國家安全，就不宜上映該影片，新修訂指引即日生效。

對此新修訂，資深電影人田啟文透露有關方面需要給予清晰指引，他說：「好多嘢都未清晰，以往電檢後有問題，片方係咪有上訴機制呢？好多嘢都係一啲好主觀嘅感覺，點樣去定，係咪要問律師。除咗紀錄片外，電影基本上都係虛構出嚟，依家播出電影都會寫上『本故事純屬虛構，如有雷同實屬巧合』，虛構當然唔可以當真，相信每一個投資者都係想拍一啲有人睇嘅電影亦唔會想做犯法嘅事，電檢修例最好寫清楚指引或者列出一啲戲嚟做例子，等大家可以明白同遵守。」田啟文亦指西片《虎膽龍威》裏面，有一場炸毀紐約摩天大廈的場口，他反問這算不算係一種煽惑呢？他還指：「仲有《拆彈專家2》，佢炸咗成個香港機場，係咪又係一種煽惑？我希望佢哋畀到我哋清晰指引。」