港姐起底：梁嘉茵Double Major學霸　名花有主狂放閃

今年港姐首輪面試佳麗層出不窮，當中有不少是高等學歷，今日有讀者爆料，指其中一個面試者梁嘉茵（Karine），喺加拿大多倫多大學以double major修讀建築系和環境地理系並以榮譽生畢業，跟住仲返香港喺香港大學修讀碩士，仲同2018年香港小姐亞軍鄧卓殷係同學。翻查佢個社交網，見佢上個月喺港大影畢業相，仲開心到飛起，唔夠1個月就見佢參加港姐，行程相當緊湊。

Karine喺社交網成日上載日常生活美照，當中仲見到佢戴頭盔「落Site」，同時佢成日幫一啲國際組織工作，真係好忙碌。而佢都有自己座右銘，就係「Live in the present， Learn to love yourself」（活在當下，學習愛自己）。不過靚女已經名花有主，男朋友都好有才華係夾Band㗎，對音樂好有熱誠。佢哋拍咗2年拖，成個社交平台大部分都係同男友合照，好恩愛呀。