馮盈盈恨扭轉「國民妖精」形象:我想變仙女!

20210611
東網電視
更多新聞短片
馮盈盈想扭轉「國民妖精」嘅形象。
藝人馮盈盈今晚(11號)現身《逆天奇案》結局齊齊睇,她在劇中介入展鵬與林夏薇的戀情,被網民封為「國民妖精」及指想踢她落海,她說:「我都有同感,我都睇到咬牙切齒。如果觀眾冇反應,咁我就好失敗,見到有好多回響,有人私訊我,話好憎我個角色。」她指剛得悉有機會開續集,她希望有機會參與,並扭轉「國民妖精」的形象:「我想續集變為國民仙女,冇殺傷力同畀人感覺親切,我會朝呢個方向進發。」
同鄭衍峰係朋友
昨日(10號)是她的27歲生日,她表示與家人食飯慶祝,問她有沒有人邀約時?她說:「有人約,不過唔係尋日,我工作好忙,而且我依家食素選擇唔多,我都唔想經常出街,想專心做自己嘢。」講到緋聞男友鄭衍峰,在社交網對她生日沒有任何表示,問到對方私下可有表示?她未有正面回答:「我收到好多朋友留言同祝福,我今日(11號)都係農曆生日,私下收到過百個短訊,都未睇晒。(佢係咪已降呢?)我同佢都係朋友關係。」
有留意翻版馮盈盈
提到港姐首輪面試,有參選者Trixie跟她撞樣,她說:「當然有留意有個翻版馮盈盈,我覺得佢都好靚,每個人有自己嘅特質,唔需要話似邊個。(你覺得佢似唔似你?)我冇特別去比較。(似你有着數?)佢保持自己獨立特性就可以,每個人都有自己嘅風格。(其中有個混血兒佳麗Jasmin畀網友話似陳展鵬?)可能因為陳展鵬個輪廓好深,係展鵬似混血兒。」