視后胡定欣遭請食檸檬！獻吻被拒絕仲送一巴掌

視后胡定欣在圈中打滾多年，吸納不少粉絲，不過都會有被拒絕的時候！她在社交網上載與姪仔齊齊開餐的相片，只見姪仔全程只顧忙着看電子屏幕，她雖主動獻吻但卻被嫌阻住地球轉，更被一手推開。

胡定欣未有放棄再主動出擊，結果姪仔兜巴星，令她感到相當無癮，並表示：「小朋友的人生大事就係睇電視睇社交平台，由Cocomelon到百歲山個外籍美女（仲有幾個廣告靚女Model）再到逢星期三、日賽馬日的賽事都係佢杯茶，至於我的廣告，唔同佢講係姑媽，佢應該認唔出個（嗰）個係我。唔知你哋屋企的小豆丁，又係咪一樣？重點係佢反手。姑媽冇眼睇，你知唔知我係邊個。」