李彩華踩Roller影水着 60磅重型古裝整損頭

2021年06月11日 23:03
東網電視
更多新聞短片
藝人李彩華(Rain)正在內地開工,早前難得回港休息,即興接受藝人黃嘉樂的攝影師女友Samantha邀請,拍攝一輯非常破格、玩滾軸溜冰的索照。相中穿上一件頭泳衣的她,大晒42吋長腿,以及零贅肉身材。Rain透露與Samantha認識很久,故對其攝影技術信心十足,她又笑說:「如果Samantha要我再加大尺度,我都唔會問點解,因為信得過佢,大家好好朋友,佢知我買咗對roller鞋玩,今次就搞搞新意思,出嚟效果同自己平日好唔同,當然我本身都係運動健將,好多嘢都玩得唔錯,絕對唔係得個樣。」
頭痛到爆催眠自己
不過,拍完這輯打扮型格兼輕盈的索照後,Rain就要為古裝劇開工,感覺如精神分裂!雖然其古裝造型相當霸氣,但要承受服裝及頭飾近60磅的重量,消耗不少體力,難怪收工磅重時,竟發現輕了3、4磅,她說:「套戲服真係好重、好重,我都算生得高大,但一樣好辛苦,連個頭飾都極有分量,開咗一陣工已經好頭痛,仲試過重到整損咗個頭。不過成個設計好靚、好有型,所以有時覺得負荷唔到,就同自己打氣,要靚就要付出同犧牲!」