葉蒨文一件頭泳衣騷肩　網民：想同佢戲水！

於無綫劇《愛．回家之開心速遞》演「島大女神」嘅葉蒨文，出名身材惹火，佢曾經喺劇集《使徒行者3》中，同袁偉豪「鴛鴦戲水」一幕夠晒火辣，成為網民追捧對象！趁住夏天嚟到，佢都急不及待走咗去泳池游水消暑，留言：「今個夏天第一游！」佢仲大晒索爆水着派福利，睇到着住一件頭泳衣嘅佢，雖然冇晒事業線，但係露肩兼騷腰嘅設計，依然相當吸睛，網民紛紛留言讚佢好靚女之餘，仲話好想同佢一齊游水添！