練刀法嚇走全部人!湯洛雯唔知飛咗把刀去邊

2021年06月12日 11:04
東網電視
更多新聞短片
「靚湯」湯洛雯主演的劇集《一笑渡凡間》正在熱播,飾演女捕快的她表示有很多動作戲:「拍之前我以為係輕鬆同擺功架啲,但原來好多實打、跳彈床、耍好多刀法,同埋出場pose要練,所以鏡頭後不停練刀,阿蕭(蕭正楠)成日話『大家小心呀,佢練習緊呀』,大家就會即刻四散,有時飛飛吓都唔知把刀去咗邊,但係假刀嚟嘅,哈哈。(有難度?)初頭有,後尾好鍾意揸住把刀玩,但去到好熟手時已拍晒啲打戲。」
她又難忘出場一幕:「嗰日突然加咗好多動作畀我出場時要型,所以要即刻學,搞到好大壓力。」問到今次拍完後可有對喜劇上癮?她坦言:「我好鍾意拍喜劇,又開心,但演員咩類型都要拍,我想要啲角色同平時自己拍開嘅好大分別,今次就係好man嘅我,可以試新嘢。」