名模陳幗儀病逝　鄧達智：佢着衫好靚！

名模陳幗儀（Tina）昨日（11日）病逝，於瑪麗醫院與世長辭，她的好友、前廣告界才女文綺貞於社交網公布死訊。

對於陳幗儀離世，時裝設計師鄧達智受訪時表示：「佢同文麗賢係同期嘅香港名模，60年代尾已紅極一時，我入行時佢老早離開模特兒界，佢身高仲高過文麗賢，我覺得佢好具國際性。」

鄧達智表示於80年代認識對方，他說：「當時佢轉營代理珠寶，去好多Ball，好多靚人都搵佢買珠寶，佢亦係第一屆『十大衣着』得主之一，着衫好靚。」鄧達智讚Tina舉手投足都十分優雅及斯文，他說：「Tina早年離咗婚，佢個女好細個就患腦癌離世，我知佢有其他屋企人，佢班朋友都會為佢搞後事。」

而文麗賢表示：「她早我6、7年出道，是我欣賞的前輩。近十幾年很少聯絡，太突然了，正在了解她身邊有甚麼人替她辦後事。（會幫忙後事？）一定會，但目前不知要做甚麼。」