周秀娜素顏玩狗激嬲愛貓　「厭世」樣萌冧網民

藝人周秀娜出名係貓奴，育有一隻可愛肥貓「啵啵」，原來佢唔只係貓奴，對狗狗亦愛心爆棚，呢日佢晒出同3隻狗狗玩樂嘅照片，透露同佢哋玩完返屋企時，「啵啵」緝毒犬上身，喪聞佢身上嘅氣味，然後打爛醋埕擺出一副「厭世」樣，相當可愛。佢留言讚狗狗好有精力，成晚冇時停，呢幾張係世紀最難影嘅合照。相中見佢素顏上陣，同狗狗玩打成一片，女神與狗同樂，網民大讚幾隻狗狗係幸運嘅寵物。