夜蒲溝女影響好老公形象！余文樂重新出「髮」

型男余文樂早前從台灣秘密返港，被揭曾參加過百人嘅「無罩派對」，更被拍得喺另一個派對上隊煙、隊酒，仲同一名女子「咬耳仔」，是非不斷。雖然樂仔已獲老婆王棠云開腔力撐，指丈夫只係同「姐姐」聊天而已，但樂仔好老公形象難免蒙上陰影。

不過，佢似乎已走出是非陰霾，喺社交網限時動態晒出剪咗一頭新髮嘅相，並留言：「Fresh Hair Cut！」只見佢新髮型比之前更短更清新，有網民就問佢係咪寓意自己重新出發，又話無論點都好，之後做好自己就得，叫佢要加油！