黎諾懿教小春雞飲酒 陳敏之唔驚囝囝被教壞

20210612
東網電視
更多新聞短片
無綫即將推出帶貨節目《識貨》,大考演員們對各項銷售產品的認識、應變能力及急才,「參賽者」包括黎諾懿、陳自瑤、黃建東、陳嘉佳及何遠東等,聯同主持鄭裕玲、鄭衍鋒及孔德賢下午於電視城出席記者會宣傳造勢,場面熱鬧。
自認「背產品資料頻食螺絲」的黎諾懿,請來老友陳敏之幫手打氣,被對方無意踢爆至今「銷售額」暫排第4,成績不錯,他即謂:「我嘅策略係中游,一開始唔好太叻,慢慢爬想去,好似我自己讀書同教仔一樣,唔好包尾就得。」他又直言不鼓勵囝囝、4歲小春雞死讀書:「好似我以前用幾年時間去背化學名表,依家根本用唔着,我寧願佢用啲時間去做令佢開心嘅事,唔使佢做高材生。」陳敏之指小春雞性格似足諾懿,不時展現「豪邁奔放」一面:「見過佢棟高隻腳食飯,又成日舉杯同人飲勝!曾經以為佢食飯好斯文,點知佢媽咪話扮嘢咋。」
黎諾懿更指囝囝會主動要求「飲酒」:「畀兩啖啤酒佢試,竟然唔怕苦,不過酒精高過14度我係唔畀嘅。(驚唔驚佢好早食煙?)我會出聲,點都要大個先,會勸佢唔好,但佢繼續我都冇辦法。」他笑言幸而太太管教嚴,自己亦會「睇實」,故不擔心兒子學壞。問到陳敏之會否不讓囝囝與小春雞做朋友,她爽快答:「唔會,我個仔有啲嘢勁過春雞嘅,同埋我諗春雞係遺傳咗爸爸飲得啫,以前我哋(諾懿與她)去派對,都經歷過嘔完又飲嘅日子,好開心,依家真係冇咁嘅精力喇。」