獲汪明荃鄭裕玲力撐　陳自瑤：被對手視為勁敵！

藝人陳自瑤（Yoyo）最近遇上事業第二春，除早前獲前輩汪明荃力撐外，今日（12日）於無綫全新節目《識貨》記者會上，主持鄭裕玲亦大讚她進步快有潛質。

受訪時，提到於首集錄影時變喊包，她解釋說：「我畀咗自己無形壓力，因為今次去到1個完全唔認識嘅範疇，但可能我之前喺《好聲好戲》贏咗，其他對手就視我為勁敵，加上起初我覺得自己做得唔好，後來冷靜落嚟調節心態，我用平常心去面對，當自己嚟學嘢囉！」

珍惜每個機會

對於最近獲力捧經常「亮相」，她說：「我會珍惜每個機會，但好似劇集《寶寶大過天》推出，其實一早安排咗，唔係呢排先決定。（7月開劇係擔正女主角？）我淨係知要開劇，其實做乜嘢都仲未清楚。（呢排少咗時間陪囡囡？佢7月放暑假喎。）真係少咗陪佢，依家諗緊叫屋企人陪同帶佢去玩，我都希望盡量抽到時間啦。」