曾遇車禍險毀容！謝金燕自揭30年前後對比

憑電音舞曲《嗶嗶嗶》喺香港紅極一時嘅電音天后謝金燕，其實早年佢係一名演員，而佢拍電影《新七龍珠》時樣貌清純、Fit弗身材令人羨慕，30年後有粉絲跪求佢復刻當年扮相，佢即使命必達，令網民開心到爆！

其實喺1991年年底，謝金燕曾遇重大車禍，導致脊椎位移、多處骨頭斷裂、骨盆碎裂、肺積水、腦震盪、大腿灼傷、右臉割傷、內出血以及鼻樑撞傷，當時主診醫生甚至評估佢可能餘生要坐輪椅，但佢冇向命運認輸，兩年後重新回歸演藝圈。