楊思琦大女柔軟度驚人　網民：想睇兩母女大鬥法！

前港姐楊思琦平時都熱愛做運動，但由於疫情關係未能成日去做健身，所以就只好喺屋企郁吓，佢話平時同仔女嘅親子運動，都只係喺屋企拉筋同伸展。佢今次就搵埋大女一齊喺拉筋，睇到大女好輕易咁瞓低將自己雙腳抬到上頭，網友見到都大為驚訝，大讚佢柔軟度高，認真犀利！仲有網友話想睇楊思琦同大女鬥拉筋，睇吓邊個柔軟度高啲喎！