謝霆鋒舊劇重播掀回憶　黃美棋晒相自認係師姐！

型男謝霆鋒主演嘅無綫劇集《撻出愛火花》近日重播引起熱話，除再次掀起翻煲熱潮，劇中演員都紛紛回憶當年，繼早前女主角楊張新悅拍片重演出場一幕，與霆鋒「同框」後，原來童星出身嘅黃美棋當年都有份參演，喺劇中飾演霆鋒「師姐」嘅佢，喺社交網晒出當年2人合照，見霆鋒攬到佢實一實，並流露冧爆笑容，「美棋BB」果然唔係浪得虛名，可愛程度連男神都成功「俘虜」！

雖然照片已事隔23年，但同現時樣子分別不大，十足食咗防腐劑一樣。不過黃美棋就留言指錯過咗今次電視重播，只能網上重溫：「哎吔，我竟然miss咗尋日重播添，同大家介紹一下，我就係佢嘅師姐啦！」