張智霖澳門完成隔離出關晒V　趕參加男版《浪姐》？

藝人張智霖（Chilam）與老婆袁詠儀近日為了回內地開工，先到澳門接受14日隔離，而喺出關前夕，Chilam亦按捺不住興奮心情，於社交網上載自拍照透露準備完成隔離，期待與大家見面。相中見佢雖然頭髮蓬鬆，但就未有如去年在家抗疫時留鬚現頹樣驚變「流浪漢」，依然保持男神形象，以最佳狀態迎接工作。今日（13日）佢再上載出關照，見佢於私家車內大舉V字手勢自拍，心情非常好，唔少粉絲都好奇佢係咪如傳聞般參加男版《浪姐》，紛紛留言為佢打氣。