《森美旅行團》合體　吳若希女兒搶晒鏡

藝人吳若希（Jinny）早前與好友麥美恩（Mayanne）拍片大玩麵粉大戰，激到Mayanne大嗌「絕交」，不過轉個頭兩女又再「和好」，呢日更與《森美旅行團》嘅拍檔森美、丁子朗以及一眾工作人員重聚。

眾人於社交網大晒聚會靚相，見Jinny與老公及囡囡Giselle一同出席，眾人仲爭住同Giselle合照，相當受歡迎。森美又發文感嘆有幾位幕後同事即將離開，希望日後可以再次成團：「冇得去旅行，森美旅行團只好等有得去旅行嘅時候，再同你哋去旅行。不過好幾個幕後將要離開，臨別秋波，回想3次旅行嘅美好時光，多謝他們的努力，才有這個好節目。」