舒淇豪養無毛貓 着名牌衫身價過3萬!

20210613
東網電視
更多新聞短片
罕有品種無毛貓(斯芬克斯貓)愈來愈受歡迎,唔少明星包括謝霆鋒、陳偉霆及黎淑賢等都有養,而本身係愛貓之人嘅性感女神舒淇,近日亦接咗無毛貓鹿鹿回家暫時寄居,佢喺社交網晒出多段貓貓嘅片段,見舒淇已迅速同鹿鹿培養好感情,更孖住一齊煲劇,佢留言表示:「來寄宿的鹿鹿陪我一起追劇。」好友陳喬恩亦有留言表示:「無毛貓!」恰巧原來舒淇正追看陳喬恩主演的內地新劇《壯志高飛》,佢即興奮以其劇中名字相稱:「陪我看妳,吳迪。」
另外,無毛貓本身價值不菲,一隻大約3萬蚊左右,舒淇再為佢配咗件名牌衫,果然萬千寵愛在一身,名副其實最豪嘅無毛貓!