單立文批吳業坤上咗神枱：唔係一件好事

樂壇新人Kerryta於無綫節目《勁歌金曲》獻唱新歌《心野》，被資深音樂人單立文善意批評：「今次係單飛後第一首歌，冇Band傍住嘅感覺，我鼓勵係單飛，其實香港唱R & B唱得好嘅女歌手唔多，第一個能夠駕馭到呢啲應該係林憶蓮，依家普通唱R & B，懶音比較多，佢絕對冇懶音，但都唱得好好聽，同埋粒音到咗先飄走，真係R & B嘅鼻祖，都係要等粒音到咗先慢慢飄走，呢個先係技巧，呢首歌，我覺得仲有進步空間。」

吳業坤則自彈自唱有份作曲的新歌《一路》，糖兄指原定期待從日本「回歸」的他，新作會帶有日本味道，但似乎效果不似預期，而單立文就不諱言吳業坤出道沒多久，便獲兩屆「我最喜愛男歌手」獎，已拿着一手好牌，衷心希望他有升呢的過程：「真係唔容易，因為你太早畀人擺上神枱，我覺得唔係一件好事。」吳業坤聞言亦坦承曾迷失一段時間，單立文即寄語他：「覺得你歷練多幾年先放你喺呢個位，你仲可以創一個高峰，希望你搵番條啱嘅路，搵番真正嘅吳業坤出嚟。」