「口罩小姐」阿姨甘為吳業坤決不加價

2021年06月14日 13:07
東網電視
更多新聞短片
憑參加口罩小姐選舉而入行的徐蒨寧(阿姨),希望給自己3年時間,嘗試在幕前發展,她本身是歌手吳業坤的御用化妝師,直言永不放棄跟着吳業坤身後的角色,決不加價。28歲時她毅然放棄做空姐,轉行做化妝,儲了幾年化妝經驗,嫌經驗未夠,好想再進修化妝技術,她說:「我係唔會搣甩做化妝師,唔單止為錢,因為由細到大都好貪靚,我小六唔買零食,儲埋啲錢會走去買Lip Gloss,鍾意化妝,嗰時只得11歲,我依家33歲,所以我化妝年資已經有22年,好想去日本進修,希望向電影化妝方面發展,將來可以開班傳授。」
她說妝容是因人而異,笑言自己屬於「音樂濃妝」,適合濃妝,至於吳業坤的妝容,她說對方五官毋須雕琢,畫眉便可以,但她對他為人更為欣賞,說:「佢好溫文爾雅,初時覺得佢少少宅男,但其實佢好有才華,日文又叻,又無乜脾氣,從無見過佢發脾氣,我都係無脾氣嘅人,所以大家合作到。」現育有一名3歲囡囡,問到會否再生時,她說:「暫時唔會,環境和時間都未許可,他日許可嘅話,可能有第二個答案,依家答案係『no』,想追夢先。」