阮政峰參加《明星運動會》　最驚見到王浩信

藝人周嘉洛與阮政峰在藍田出席足球同樂日，宣揚睇波不賭波訊息。兩人皆稱少踢足球，嘉洛喜歡打籃球、政峰則喜歡羽毛球。問到平日可有抽時間做運動？政峰笑說：「公司嚟緊有個《明星運動會》，我都參加咗，希望對手唔好係王浩信，唔係一定輸，因為佢好勁。自己打波一向係二奶命，希望今次比賽攞第三，唔好遇到浩信就得。」

近期忙於拍攝古裝喜劇《痞子殿下》的嘉洛則笑謂開工由朝拍到晚已是很強烈的運動，每日出很多汗，不用花錢去減肥，他笑說：「開工好充實、每日都過得不知時日過、好難忘嘅經歷、好好嘅體驗。（每日有1、2個鐘休息？）絕對有時間瞓覺，絕對多過1、2個鐘，自己都會爭取時間休息。」他又自嘲沒有運動細胞，加上沒有時間，故不會獻醜參加《明星運動會》。