端午節都有福利!楊思琦晒3吋事業線 孫慧雪終於找數

2021年06月14日 14:39
東網電視
更多新聞短片
今日(14日)端午節,唔少人都會去游龍舟水,而圈中一班性感人妻就紛紛喺社交網大晒水着相應節,其中靚媽楊思琦就自製合成相,甫出着桃紅色比堅尼嘅泳衣相,勁騷3吋長事業線,非常養眼。佢更製成影片並配上爬龍舟音樂,充滿節日氣氛,佢留言:「一齊去游龍舟水啦!呢段音樂真係好經典,一聽就要即刻起身去爬龍舟,你話係唔係?」
另邊廂,女神人妻孫慧雪昨日(13日)晒完池邊背影打卡相,呢日就「找數」甫出正面照,「解放」33C咪咪,並分享同囝囝玩水相,大晒天倫樂,佢又大讚老公係「背後嘅男人」默默付出,令佢同囝囝可以享受二人世界,佢笑指:「完全係我同小情人嘅二人世界,爸爸呢?佢只係背後默默服務我哋嘅男人!」